زعلان لكن أعرف اشلون اراضيك
ماحد غيري يعرف " بطبع خلي "
أعرفك لي منك تضايقت واشفيك
ماعاش من زعل حبيبي وكلي
أدري علي زعلان لكن أوريك
وشلون ترضى يابعد كل من لي
ملح الحياه إني " أضمك " وأسليك "
وش هي الحياه بدون " جد وتسلي "
ساعات لي خاطر اجيك " ووديك "
وأرفع حراره " حبنا " بالتغلي
أقول ما " أحبك " وما ابيك ماابيك
عشان أغيضك بس وأفش غلي
لا الحقيقه أني أحبك وبروحي أفديك
و " محبتي " لك ما بعدها تخلي
ودي احطك وسط عيني وأغطيك
علشان ماتبعد عن العين ملي
ليا غاب حسك نبض قلبي يناديك
مشتاق لك بالحيل يابعد كلي
أقعد انا والشوق دايم بطاريك
وأفكارنا ما بين " ربط " وحلي
زعلان مني كل كلي يراضيك
ماحد غيري عارف " بطب " خلي
يالله " ابتسم " بالله ذبحني تغليك
يكفي حبيبي "- مد بوز -" وتغلي
الثلاثاء أكتوبر 18, 2011 3:06 am
